Espetveit (Evje og Hornnes gnr. 29)
Espetveit (gnr. 29) er ein gard på heia mellom Moisund og Abusdal sør-vest i Evje og Hornnes kommune. I aust byter garden mot Haugland, i vest mot Kalland. Alderen på garden er uviss. Men den lokale namnegranskaren Oddmund Mogstad trur han kan vere frå før år 800 e.Kr.[1]
Frå 1825 har det vore to hovudbruk på garden. I dag (2017) er begge desse (bnr. 1 og bnr. 2) på same hand. Liv Espetveit Andersen (f. 1940) har heimelen til bnr. 1. Liv Espetveit og Pål Andersen har heimelen til bnr. 2 saman. Dei seinare åra har det blitt bygd to nye bustadhus i garden. Det er bnr. 119, eigd av Hans-J. Ralf Dittert (f. 1954) og Liane Dittert (f. 1956), og bnr. 13, eigd av Linda Vranum (f. 1975). I tillegg ligg det svært mange fritidsbustader på garden sin grunn.
Historie
Den første kjende oppsittaren på garden (til 1636) skal vere Anders Espetveit.
Kjelder
- Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, side 585–592
- Kart og opplysningar i grunnboka hos Statens Kartverk
Referansar
- ↑ Oddmund Mogstad, Gardsnamn i Hornnes, artikkel i Arnstein 2006, side 30