Birgit Rike Lund
| Birgit Rike Lund | ||
|---|---|---|
| ||
| Født: | 14. august 1925 | |
| Død: | 2. mai 2022 (96 år) | |
Birgit Rike Lund (fødd 1925 i Valle, død 2. mai 2022) var kvedar. Ho budde på Vanse i Farsund kommune frå 1952, men flytta attende til Valle i 2018. Heile tida heldt ho ved like songen ho fekk med seg frå barneåra heime i Valle. Ho var på støylen og nytta dei gamle melodiane i det daglege arbeidet. Ho lærte mykje av godfaren sin, Kjetil O. Rike, som budde i den eine stova på garden og song religiøse folketonar. Birgit hadde ei stevbok der ho samla dei steva ho høyrde. I 1948 forlova ho seg med handelsbetjent Jon Lund, son til Søren Lund, og i 1950 gifta dei seg i Valle kyrkje.
Syskena Rike var ofte rundt og spela og song, både i heimbygda og rundt om på Agder. Sjølv var Birgit etter kvart med på ei rekkje konsertar både i Noreg og i Amerika, ho deltok i radioprogram og på kappleikar, der ho oftast plasserte seg heilt i toppen av premielistene. I seinare år var ho mykje nytta som kurslærar, og frå 1992 var ho knytt til Ole Bull Akakdemiet som lærar i vokal folkemusikk.
I tillegg til musikken var Birgit Rike Lund mykje oppteken av gamle mattradisjonar og handarbeidsteknikkar innan strikking, saum og vev, og var mykje nytta som lærar innan desse områda.» (Gunnar Stubseid)
Under landskappleiken på Gjøvik i 2003 vart ho utnemnd til heiderslagmedlem i Landslaget for spelemenn. Saman med broren Kjetil Rike blei ho tildelt Valle kommune sin kulturpris 17. mai 2015 for heilhjerta kulturformidling livet igjennom.
Familie
Birgit Rike Lund var gift med Jon Lund. Ho etterlet seg borna Gyro Sølvi Lund og Søren Sverdrup Lund, svigerbarn, barnebarn, oldebarn og øvrig familie. Dattera Anne Lise Lund Salvesen døydde før henne. Gravferda til Birgit var frå Valle kyrkje fredag 13. mai 2022 klokka 12. Etter gravferda var det minnestund i Sæbyggjen.
Diskografi
- Med rosur raude Ole Bull Akademiet 1998
Kjelder
- Prat med Birgit Rike Lund 28. juni 2019, Siri J.
- Sigurd Haugsgjerd, Ei vakker røyst har tagna, artikkel i Setesdølen nr. 34, 2022, side 10
- Lund-slekta i Valle-Setesdal 1872-1972
- Dødsannonse i Setesdølen nr. 35, 2022 side 2