Anna S. Dåsvatn

Anna S. Dåsvatn
Anna med ektemaken John og dottera Torborg. Foto: Privat
Født:	16. mars 1866
Død:	29. november 1949 (83 år)

Anna S. Dåsvatn (fødd 16. mars 1866 på Ose, død 1949) var gardskone og husmor på småbruket Kleven på Øvre Dåsvatn lengst nord i Dåsvannsdalen i Hornnes. Ho var gift med John T. Dåsvatn. Dei hadde borna Tomas Daasvatn, Tora Kjetså, Marie Vika , Gunhild Skripeland og Torborg Uleberg. Foreldra til Anna var Margit Salvesdotter Ose frå Ose og Salve Knutson Frøysnes. Dei var ikkje gifte.

Mora Margit var tenestejente hos Daniel Eivindson Ose då ho fekk dottera Anna. Dei budde på plassen Odden på Austad, tett ved kyrkjegarden. I 1875 flytta Margit med dottera til Ramse i Tovdal, der ho arbeidde hos Terje Ramse. Anna budde her til ho blei konfirmert. Etter det tok ho arbeid på storgarden Bås ved Dølemo.

På Bås traff Anna John Dåsvatn, som ho blei gift med. Dei flytta til Hornnes og overtok etterkvart Kleven etter foreldra til John.

Kjelder

• Torleiv Vika, Våre røter - Kleven Øvre Dåsvatn, trykt hefte (privat)
• Avsnittet om plasset Kvistoga under Øvre Hegland i Bygland Gard og ætt