Setesdalsavsnittet

Setesdalsavsnittet var frå sommaren 1942 eitt av avsnitta i Distrikt 18 (Aust- og Vest-Agder) i Milorg (den militære motstandsrøyrsla) i Norge under 2. verdskrigen. Avsnittet strekte seg frå Kristiansand til og med Bykle. Avsnittet var igjen delt i fem grupper (område). Den øvste, Setesdalsgruppa, omfatta Bykle, Valle, Hylestad og Bygland. Gruppa nedanfor dekka Evje, Hornnes, Iveland, Hægeland, Vegusdal og Mykland. Ingeniør Rolf Ellingsen var sjef for avsnittet. Jon Å. Haugeland var frå 1942 nestkommanderande.

I 1942 kunne heile Setesdalsavsnittet truleg mønstre rundt 1 000 mann.

Kjelder

• Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 547
• Johan Christian Frøstrup og Bjørn Davidsen, Aust-Agder under okkupasjonen. Glimt fra krigsårene 1940-1945, 2. utgåve, Friluftsforlaget, 2018, side 296 flg.