Sydalen

Fil:Sydalen Dåsvandsdalen 121012 (11).JPG

Sydalen sett nordover frå Skotet, der Yksenåna kjem ned i dalen frå Yksenskor. Foto: Geir Daasvatn

Parti frå Sydalen, litt nord for kleiva opp til Yksenskor. Lindeknollen i bakgrunnen. Sydalen er døme på vill natur i Hornnes.

Foto: Reidar Tveito

Sydalen er eit sidedalføre til Dåsvannsdalen i Hornnes, i nord-vestre del av Evje og Hornnes kommune. Området ligg i indre del av Dåsvannsdalen, like nord-aust for Dåsvatn. Gjennom Sydalen renn elva Sya. Frå Yksenskor på austsida av Sydalen renn Yksenåna ned i Sydalen i ein høg foss, og sluttar seg til Sya.

Garden Yksenskor ligg mellom fjella på austsida av Sydalen. Det kom kjøreveg fram til garden, frå Håvestøl i Åseral, først rundt 1979. Fram til då var tilkomsten frå Dåsvatn gjennom Sydalen og opp ein veldig bratt stig det siste stykket.

Sydalen er med i Linddalsfjellet og Sydalen naturreservat.

Kjelder

• Norgeskart.no

Kart

Laster kart ...