Anders Elof Kjärrmann

Anders Elof Kärrmann (fødd 1880 i Vesterbotten i Sverige, død 9. januar 1930) var gruvearbeidar ved Flåt nikkelgruve i Evje. Han omkom ved ei ulukke i gruva 9. januar 1930. Han arbeidde oppe i toppen av ein 12 m høg stige, på Stasjon 183. Ei steinblokk løsna og slo stigen av på midten, og Kjärrmann fall rett ned i steinhaugen under. Han blei hardt skadd frakta til sjukehuset i Kristiansand. Der døydde han like etter, utan å ha kome til medvit.

Anders Kärrmann etterlet seg kona Kristine og ein son, Sixten Kjärrmann]], som også arbeidde på gruva og ved Evje nikkelverk.

Kjelder

• Sigmund Monen, Flåt nikkelgruver og bygda. Arbeidarhistorie, utgeve av Evje og Hornnes kommune, 2016, side 379–382
• Olav Arne Kleveland, Flot nikkelgruve - Evje nikkelverk]], utgjeve av Evje og Hornnes Sogelag, 2000, side 50