Tarald Hallvardson Rysstad

Tarald Halvardsson Rysstad (fødd 1853, død 1931) styrte gardar for sokneprest Peter Blom i Valle og Verdal. Seinare flytta han til Granheim i Bygland med familien, der han bygde opp og dreiv Granheim Hotel saman med kona Ingebjørg Tallaksdotter Rysstad (f. Hegland 1869, d. 1935). På Granheim dreiv dei også landhandel og skysstasjon. I rundt 20 år var Tarald postopnar på Granheim.

Det var Tarald Rysstad som sette opp Gaukhei turisthytte i Bygland vesthei i 1898. Han sette då opp sag i Ljosåna i Lognadalen, og køyrde materialane på vinterføre inn til Gaukheivatn der hytta blei sett opp.

Foreldra til Tarald var Halvard Hallvardson Rysstad og Sigrid Salvesdotter Rysstad (fødd Brokke) på bnr. 8 på Rysstad.

Kjelder

• Reidar Vollen, Bygland gard og ætt, utgjeve av Bygland kommune, 2002, side 354-357
• Reidar Flå (red.), Vandringer i Setesdal Vesthei, Friluftsforlaget, 2008, side 26