Hylestad stavkyrkje
Hylestad stavkyrkje stod på grunnen til det som no er garden Bjørgum på austsida av Otra i Hylestad i Valle. Ho er nemnd i skriftlege kjelder så tidleg som 1327. Men truleg blei ho sett opp ein del tidlegare, omkring år 1200. I denne kyrkja stod dei kjende Hylestadportalane. Stavkyrkja blei rive i 1664. I staden kom det opp ei laftebygd langkyrkje, som stod til 1838. Hylestadportalane følgde med til den nye kyrkja.
Kjelder
- Leonhard Jansen og Alfred Ryningen, Valle kommune VII Kultursoge 1, utgjeve av Valle kommune, 1994, side 84-96
- Hylestad kyrkje, kapittel i Bygdesogeskrifter frå Valle og Hylestad, utgjeve av Valle bygdesogenemnd, 1983, side 214