Hylestad stavkyrkje

Hylestad stavkyrkje stod på Kyrkjeodden, på grunnen til Nordihus Bjørgum på det som no er garden Bjørgum, på austsida av Otra i Hylestad i Valle. Ho er nemnd i skriftlege kjelder så tidleg som 1327. Men truleg blei ho sett opp ein del tidlegare, omkring år 1200 eller endå noko før. I denne kyrkja stod dei kjende Hylestadportalane. Stavkyrkja blei rive i 1664. I staden kom det opp ei laftebygd langkyrkje, som stod på same staden til 1838. Hylestadportalane følgde med til den nye kyrkja.

Kjelder

• Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 84–96
• Hylestad kyrkje, kapittel i Bygdesogeskrifter frå Valle og Hylestad, utgjeve av Valle bygdesogenemnd, 1983, side 214
• Leonhard Jansen, Hylestad kyrkje 150 år, jubileumsskrift, 1989, side 10–15
• – Her ligg forfedrane dykkar, artikkel skrive av Torgeir Eikeland på FVN.no, publisert 7. april 2022