Smalevatn
Foto: Geir Daasvatn
Smalevatn er eit lite vatn (1160 moh.) i Bykleheiene i Bykle, mellom Skargjevatnet og Store Urevatn langs anleggsvegen frå Nordbygdi inn til Store Urevatn. Nord-aust for vatnet ligg Reinevatn. Mellom Smalevatn og Store Urevatn ligg fjellet Smalevasseggi (1322 moh.). På andre sida av vatnet, mot sør, ligg Venedalsristi (1261 moh.). Rett nord for austre enden av Smalevatn ligg Ulvetuva, som det er knytta eit tragisk sagn til.