Ås feltspatgruve

Ås feltspatgruve er ei nedlagd gruve på garden Ås (bruksnr. 1) oppe på heia på vestsida av Otra mellom Moseid og Birkeland i Evje og Hornnes kommune. Det var truleg drift etter feltspat her frå før år 1900. Notto. J. Birkeland leigde gruva av gardbrukar Lars O. Ås fram mot 1920. Seinare skal ein Tortveit frå Iveland ha drive gruva. I 1955 var lensmann Gerhard Haukom blitt eigar av garden. Gruva blei leigd bort til Olav Kjebekk frå Evje. Men det var Theodor Gautestad frå Evje som kom til å drive gruva. I åra 1961-1964 blei det tatt ut 5911 tonn feltspat og 6960 tonn kvarts.

Kjelde

• Olav O. Uleberg, Hornnes I, Gards- og ættesoge, utgjeven av Hornnes bygdesogenemd, 1969, s. 92-93