Bergtun Hotell
Foto: Siri Johannessen
Bergtun Hotell ligg i Valle sentrum. Eigar er Laila Johnsen Kjær. Ho kjøpte hotellet i 2016 av Valle Sparebank. Kjær hadde kafedrift i hotellet, og fem dobbeltrom blei pussa opp for utleige. I august 2017 blei det kjent at kafédrifta skulle leggast ned. Bed & breakfast-delen av verksemda, med utleige av rom for overnatting, skulle halde fram som før.
Historie
Bergtun Hotell opna i mai 1935. Eigar då var Sigrid Kjelleberg Johansen. I 2010 kjøpte firmaet Bleieboden hotellet. Etter omfattande renovering vart det våren 2011 opna både butikk og spiseri. I tillegg fekk ein lager for internettbutikken til Bleieboden.
Kjelder
- Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 321
- Ole Birger Lien, Har kjøpt Bergtun Hotell for 2 mill., artikkel i Setesdølen nr. 16, 2016, side 4
- Norges Bebyggelse, herredsbindet for Aust-Agder, vestre del, Fagbokforlaget AS, Oslo 1956, side 752-753
- Kaféen på Bergtun i Valle lagt ned, stykke i Setesdølen nr. 54, 2017, side 11
Eksterne lenker
- Artikkel om Bergtun Hotell på Fvn.no (krever innlogging)
- Facebook-sida til Bergtun Hotell