Setesdal sett med kunstnarauge

Stein Omsted 83 (kopi efter Eckersberg): Fra Valle i Sætersdalen.

Foto: Reidar Tveito

Setesdal sett med kunstnarauge er ei av sommarutstillingane til Setesdalsmuseet. Ho vart opna laurdag 9. juni 2012 av fylkesordførar Bjørgulv Sverdrup Lund.

Utstillinga er ei samling som Sigurd G. Helle har deponert på Setesdalsmuseet. Ettersom høve og lommebok har tillete det, har det stadig blitt lagd nye bilete til samlinga hans gjennom eit langt liv. Dei kunstnarane som han har i samlinga si, er både kjende og ukjende: Stein Omsted, M. Skaniz, Sig. Larsen, Asor Hansen, Helga Ring Reusch, Erik Petri, Eiv. Nielsen, Lars Osa, Laura Hovland-Krohn, Th. Sundt-Ohlsen, Harald Lund, Anstein Risteigen, Rasmus Strømme og Axel Ender. Nokre bilete er og usignerte. Bileta finn ein i salen lengst sør i museet, men det er og hengt opp bilete i kaféen og i den nordre salen, der utstillinga Frå hest til hestekrefter - vinterferdsle i hei og utmark er sett opp.

Kjelde

• Informasjonsark frå utstillinga