DB Dølen

DB Dølen var ein vedfyrt dampbåt som stod for gods- og persontrafikk på strekninga Gullsmedmoen - Bygland (Neset/Ose) i Byglandsfjorden frå 8. juni 1867 til 1957. Dølen var søsterskip til Bjoren, som seglar på Byglandsfjorden den dag i dag.

Skipet var 52 fot langt og 11 fot breitt. Maskinen hadde 8 hestekrefter.

Fram til 1930 var det Dampskibsaktieselskapet Bjoren og Dølen som stod bak drifta. Då blei det selskapet oppløyst, og den organiserte dampbåttrafikken på Byglandsfjorden avvikla. Men Olav Fransson på Byglandsfjord kjøpte begge båtane, og heldt liv i post-, vare- og passasjertransport til gardane på vestsida av fjorden til 1957. Då blei Dølen hoggen opp, medan Bjoren gjekk i opplag.

Kjelder

• Johnny Haugen og Torgeir Moseid, 150 år sidan «Bjoren» og «Dølen» kom i bruk, artikkel i Setesdølen nr. 40, 2017, side 11
• Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 247-249