Kleggetveit (Evje og Hornnes gnr. 46)

Kleggetveit er ein gard (gnr. 46) på heia 2-3 kilometer aust for Evje sentrum i Evje og Hornnes. Ein kjem dit ved å følge Arendalsvegen forbi Galteland, og straks deretter ta mot sør mot Åmland. Nabogard til Kleggetveit i nord-aust er Åmland. Mot nord-vest ligg Kjebekk. Mot vest ligg Høgetveit. Mot sør grensar garden mot Skjeggestad.

Opphavet til gardsnamnet er uklart. Det kan kome frå insektnamnet klegg. Men det kan også kome av kleggi, høystakk.