Årdal

Årdal var ein gard i det som i dag er Grendi i Bygland. Truleg låg garden i området der Øvre Lande og Nedre Lande ligg i dag. Namnet skal skrive seg frå gamalnorsk, genitivforma ár, som tyder å eller elv. Det kan høve godt med elva Landsåni som renn ut i Byglandsfjorden ved Nedre Lande.

Gardsnamnet Årdal blei borte ved oppdeling av Årdal-garden i mindre gardar. Kva tid gardsnamnet kom bort er uvisst. Men den første Årdal kyrkje blei bygd rundt år 1300 eller noko før. Så minst til då har namnet vore i bruk, og kanskje noko lenger fram i tid.

Garden Årdal gav altså namn til Årdal kyrkje, og seinare Årdal sokn. Den sørlegaste delen av Byglandsfjorden kallast Årdalsfjorden.

Kjelder

• Reidar Vollen, Bygland gard og ætt, bind VI, utgjeve av Bygland kommune, 2009, side 15 andre spalte
• Byglands soge, utgjeve av Bygland bygdesogenemnd, 1952, side 26 første spalte