Setesdal Husflid

Setesdal Husflidssentrals inngangsparti. Butikken ligg i venstre del av huset, turistkontoret i høgre.

Foto: Britta Lise Homme

I andre etasje er det rom for å sy bunad.

Foto: Britta Lise Homme

Setesdal Husflidssentral vart stifta i 1966. Formålet var å selje husflidsvarer for lokale produsentar. Tidlegare heldt utsalet til i dei små hyttene ved Valle Motell, men frå 1996 har dei halde til i bygget mellom Valle kommunehus og Riksveg 9, som husar turistinformasjon mot nord og husflidsutsal mot sør.

I butikken finn ein ei rekke husflidsvarer, mellom anna Setesdalsbunaden med alt som høyrer til. Dei sel og Setesdalskofte og andre produkt handlaga av produsentar i Setesdal. Mellom anna har dei garn, souvenirar og gåveartiklar i tre, glas, vev, tekstil, smijern, keramikk og tinn. Ein del av bøkene til Setesdalsforlaget kan ein få kjøpt, og Bykle og Valle kunstlag har utstillingar om sommaren i dei roma som vert brukte til spitekafe om vinteren.

Styre

I 2010 var styret samansett slik:

• Olav T. Åkre, styreleiar
• Helga Birgit Bjørkeli, nestleiar
• Knut K. Homme, styremedlem
• Jorunn B. Brokke, styremedlem
• Malmfrid Nyborg Homme, styremedlem
• Birgit Annette Helle, styremedlem
• Jorunn Lund Harstad, varamedlem
• Anne Nomeland Helle, varamedlem
• Olav H. Rygnestad, varamedlem

Omsetning

Omsetninga auka frå 1 616 000 i 2008 til 1 944 000 i 2010. I 2015 var ho vel 2 millionar kroner. Inger Homme og Randi Gåserud Myrum deler på å vere dagleg leiar i Setesdal Husflidssentral.

Sjå også

• Kunstlaget si sommarutstilling 2011

Kjelder

• Brosjyren Setesdal Husflidssentral (utan årstal)
• Ole Birger Lien, Husflidsentralen i Valle 50 år!, artikkel i Setesdølen nr. 18, 2016, side 6

Eksterne lenker

• Heimesida til Setesdal Husflid
• Om Setesdal Husflidssentral hos 180.no