Jørund G. Kvaale (1893)

Jørund G. Kvaale (1893)
Født:	1893
Død:	1961 (alder 67–68)

Jørund Gunnarson Kvaale (fødd 1893, død 1961) var bonde på Kvåle og markant lokalpolitikar i Bygland. Han var gift med Eli G. Kvaale (fødd Ose), og far til Gunnar Kvaale og Svenn Kvaale.

Utdanning

Jørund gjekk på landbruksskulen på Longerak 1911-1912. Året etter var han hospitant på landbrukshøgskulen på Ås.

Politikar

«Jørund var bondepartimann og sette djupe spor etter seg, både lokalt og nasjonalt», skriv Reidar Vollen i Bygland gard og ætt. Han var medlem i heradsstyret i tre valbolkar, frå 1922 til 1959. Han var ordførar 1929-1934 og 1948-1959.

Jørund Kvaale var varamann til Stortinget 1931-1933, 1937-1940, i 1945 og 1954-1957. I den siste perioden møtte han for vegsjef Arne Nilsen. Då Nilsen døydde i 1957, rykka Jørund opp som fast representant. Han var også medlem i Aust-Agder fylkesting.

Andre verv

Jørund var med i styret for Aust-Agder sjukehus. Han var medlem i Riksskattestyret 1945-1961. I 1924-1938 var han med i styret for landbruksskulane i Aust-Agder, dei to siste åra som formann. I Setesdal Bilruter var han med i styret 1935-1953. Fram til 1943 var han formann. I Bygland Sparebank sat han som styremedlem 1924-1926 og som formann i 1926.

Motstandsmann

Jørund Kvaale var motstandsmann under 2. verdskrigen. Han var nestkommanderande i Setesdalsavsnittet i Milorg, kampgruppe 3, under kaptein Nere Aakhus. Han blei arrestert av tyskerane 16. februar 1943. Han sat på Grini, før han blei overført til Sachsenhausen 10. juni 1943. I den leiren sat han til freden kom i 1945.

Heider

• Kongens Fortenstmedalje (gull) 1959

Kjelder

• Reidar Vollen, Bygland gard og ætt, bind VII, utgjeve av Bygland kommune, 2012, side 305-306