Onsdagsprogram i Valle Radio 20120912

Onsdagssending i Valle Radio 20120912 er sida for programmet i Valle Radio onsdag 12. september 2012. Ansvarleg var Ronny Stavsholt, teknikar var Kåre Rike og telefonvakter var Jorunn Helle og Solveig Rysstad.

Program

18.00 Aktuell time

• Toralv Andersen i stuio for å snakke om bleke. Det var slutt på bleke, som før gjekk til Hallandsfossen, to år etter at det vart sett vatn på Brokke. Då slutta fløtinga og. No er det sett ut bleke nedanfor fossen, så no lurer ein på om den vil reprodusere og om den vil bli verande her oppe i vassdraget. Då fisken var i elva, var den på det meste så stor at det gjekk tre på kiloet, men på slutten måtte ein ha fem-seks for å få eit kilo.
• Troy Flottorp i Evje Trafikkskole på telefonen om kurs for å kjøre med tilhenger for folk som har førarkort klasse B. Dei treng ny prøve.
• Om mangel på badevakt i symjehallen i Valle. Det var landskamp mellom Danmark og Norge arrangert av Vågsbygd svømmeklubb, og då var Ronny Stavsholt deltakar, kanskje for 40 år sidan. Torleif B. Harstad var leiar i Valle IL den gongen og var lokal arrangør.

19.00 Tankar frå Bibelen

• Ved Håvard Viki

19.30 Kommunen informerer

Tarald Myrum

• Ordførar Tarald Myrum i studio. Fortel om nokre prosjekt sett frå politisk ståstad:

1. Ny barneskulefløy i Valle. Tarald gjekk sjølv i den første klassen som brukte bygget i 1968-1970. Evjebygg fekk prosjektet og det skal stå klart til skulestart neste år. Elevane går i midtbygget, nokre på toppen og nokre i kjellaren.
2. Utbetring av sanitæranlegget på Hylestad soknehus skal ut på anbod i haust.
3. Prestegardsskogen aktivitetsområde skal realiserast no.
4. Møykjeromet skal utvidast og få nesten dobbelt så stort areal.
5. Prosjektering av gang- og sykkelveg frå Nomeland til Brokke skjer no. Det er sett av 3 millionar frå fylket.
6. Gang- og sykkelveg frå Valle sentrum til Valle skule. Dette skal ein starte på no i vinter. For å søke om midlar til det, må ein utarbeide trafikksikringsplan. Planen er at den skal kome på innsida av noverande veg.
7. Sandnes-Harstadberg er no under prosjektering. Eit alternativ går ut på å fylgje noverande veg. Eit anna ligg meir mot åne, og eit midt imellom. Frå Kveste vert det og gang- og sykkelveg. Folk skal få uttale seg om dette. Det vert informasjonsmøte og plan lagt ut til høyring. Ein vonar å få oppstart hausten 2014.
8. Når det gjeld næringsutvikling, har det vore frå krise til kriste siste året. Modellverkstaden vart lagt ned, og Stock vart lagt ned. Men nye investorar kom inn, dei leiger og laftehallen til Valle Industribygg. Det er nok ikkje så enkelt, men trehandverkarane samarbeider godt. På Modellverkstaden fyller dei på med anna arbeid enn modellbygging.
9. Innan turistbransjen slit mange, krisa i Europa merkast godt. Og i Brokke slår konjunkturane inn, det har gått ned over alt. Så ein får suge på labben og vone at det går over.
10. Brokke Nord og Sør skal og generere arbeidsplassar. Men dei små slit med å rekne anbod i konkurranse med dei små.
11. Tarald Myrum er ugild når det gjeld Valle sentrum. Det er eit større område enn bare sentrum. Ein treng å utvide byggefeltet i Leite.
12. Det skal no startast rensking av krypsiv i Harstadbassenget ein av dei næraste dagane. Men ein bør framleis halde på innfrysingsprosjekt annankvart år.
13. Ein prosess for å redusere institusjonspasientar og få fleire i heimebasert omsorg er starta. Då vil ein bygge fleire omsorgsbustader. Men det krev omstilling i organisasjonen. No slår ein saman helsetenesta i Bykle og Valle og Frode Verpe vil leie dette frå Bykle, underlagt rådmannen i Bykle. Slik kan småkommunar klare seg utan å slå seg ihop.

20.00 Ronnys time

• Tom Erik Karstensen, NCC på telefonen. Driv med asfalt i heile Norden, har eit asfaltverk i Bykle no. Kontrakt med Statens Vegvesen. Dei skal legge 20.000 tonn i året. 30 tonn på kvar bil, det vert mange billass. 5-6% er olje. Resten er knust stein og sand. 3,5 cm tykt lag legges for å fornye veien. Det får fort å legge ut. Bedrifter skal legge asfalt og Bykle kommune skal ha asfalt på vegane. Dei kan ikkje legge i frost, men dei sluttar når det vert fem grader. Dei har eitt lag som jobbar på RV9. Fem mann og fire lastebilar og to mann på fabrikken jobbar med dette, dei fleste er frå Arendalsområdet. Agderfylka og Rogaland er ein region for NCC. Nokre stader har asfalten lege opp til 20 år. Frost og snø skapar slitasje i tillegg til trafikken. Folk kan og kontakte NCC for å få asfaltert gardsvegar.

21.00 Open sending

• Ved Henri Tore Viki og Rolf Erik Homme. Rebusane er baserte på Setesdølen nr. 72, 2012

Sjå også

• Tysdagsprogram i Valle Radio 20120911

Eksterne lenker

• Facebook: http://www.facebook.com/pages/Valle-Radio/315158359845?fref=ts
• Valle Radios blogg: https://setesdalswiki.no/blog
• Høyr oss på Internett: http://www.valleradio.com (trykk på «live streaming»)
• Programinformasjon på http://www.setesdalswiki.no/wiki/Hovedside