Uldalsvassdraget

Frå Setesdalswiki
Hopp til navigering Hopp til søk
Uldalsåna ved Trældalen mellom Vegusdal og Herefoss.
Det nye (2014) Skripelandsfossen kraftverk i Uldalsåna, på garden Uldal i Froland kommune.
Foto: Geir Daasvatn

Uldalsvassdraget er ei sidegrein til Tovdalsvassdraget i Aust-Agder, og har sjølv tre sidegreiner: Skjeggedalsåna, Hovlandsåna og Ogge-området. Uldalsåna munnar ut i Tovdalsvassdraget i Herefossfjorden.

Ut av Høvringsvatn heilt nord-aust i Evje og Hornnes kommune renn Klepslandsåna. Elva renn ut i Prestøygardsvatnet, Storøygardsvatnet og Vikstølvatnet. Ut av dette og ned i Lislevatnet renn Håtveitåna. Vidare frå Lislevatnet og austover i Vegusdal renn Hovlandsåna. Ho munnar ut i Vågsdalsfjorden. Herfrå fører Skjeggedalssåna og frå Samkom Uldalsåna vidare til Herefossfjorden, der den sluttar seg til Tovdalselva. Dette strøket i Evje og Hornnes høyrer altså til Uldalsvassdraget (og Tovdalsvassdraget).

Uldalsvassdraget er regulert. Ved Kronprinsregentens resolusjon dagsett 22. mars 1957 blei det gjeve løyve til regulering og utbygging av vassdraget med regulering av Høvringen (8 meter), Vikestølvatn (16 meter), Mjåvass-, Vågsdals- og Kolstraumsfjord (2,72 meter), Ljosevatnet (3,0 meter) og Hanefossmagasinet (8 meter). Vatnet blir utnytta i Skripelandsfossen kraftverk (frå 2014) og Hanefoss kraftverk (frå 1961).

Kjelder

Kart

Laster kart...