Trygve Lund
| Trygve Lund | ||
|---|---|---|
| ||
| Trygve Lund Foto: Privat/Otra IL
| ||
| Født: | 21. august 1921 | |
| Død: | 11. januar 1966 (44 år) | |
Trygve Lund (fødd 1921, død 1966) var ein av føregangsmennene og veteranane i det unge idrettslaget Otra IL, som vart skipa då idrettslaga i Evje og Hornnes slo seg saman i 1960.
Trygve Lund var sjølv ein habil skiløpar. Han var ei sentral drivkraft i eit aktivt lokalt skimiljø på Evje på 1960-talet. Han var ein av initiativtakarane til Himmelsynaløpet. Han var formann i det kommunale ungdoms- og idrettsutvalet (KUI) på byrjinga av 1960-talet. Han var leiar i skigruppa i Otra IL 1962-1965. Ei veke før Lund brått døydde hadde styret vedteke at han skulle tildelast Otra ILs Ærespris.
«I dag står æresprisen her med sørgeflor, som et symbol for at alle idrettsinteresserte i heile distriktet er i sorg. Ein av lagets beste og gildaste menn er gått bort», vart det sagt i minnetalen som blei halden på årsmøtet i Otra IL kort tid etter det triste dødsfallet.
Foreldra til Trygve var Olav Lund (fødd 1881) og Louise Lund (fødd Eid, 1886). Dei hadde småbruket Rosenlund ved Oddeåna litt aust for Evje kyrkje på veg mot Flatebygd. Trygve overtok eigedomen etter dei.
Kjelder
- Olav Arne Kleveland, Otra IL 50 år - ei reise gjennom 50 års historie. jubileumsbok utgjeve av Otra IL, 2010, s. 41
- Norges Bebyggelse, herredsbindet for Aust-Agder, vestre del, AS Norsk Faglitteratur, 1956, side 226