Store Hallvorsvatnet

Fra Setesdalswiki
Share/Save/Bookmark
Hopp til: navigasjon, søk
Ein del av Store Hallvorsvatnet med turisthytta Josephsbu litt mot høgre i det fjerne.

Store Hallvorsvatnet er eit vatn i Setesdal Vesthei. Det ligg om lag 870 meter over havet langt vest i Bygland kommune om lag 500 meter nord for Josephsbu

Natt til 12. april 1945 sleppte engelske fly 96 containarar med utstyr over vatnet. Men sleppet gjekk heilt galt. Ein prøvde ut nye fallskjermar, og dei verka ikkje etter planen, så containarane vart knuste på isen. Men nokre av dei gjekk gjennom isen. Containarane hadde våpen, ammunisjon og utstyr til ei gruppe motstandsfolk. Gruppa vart kalla Varg og Kasper Idland frå Figgjo var leiar. Major Jens Ropstad var også med på dette.

Gjennom åra har folk funne mykje av utstyret som vart sleppt ned. Mange har også dykka i vatnet. I perioden 6. august 2015 til 9. august 2015 var det ein tung leiteaksjon for å finne containarane og eventuelle krigsminne frå hendinga. Leiar for prosjektet var Ole Asbjørn Bergstøl. Musea i Agder og Rogaland støttar prosjektet, som det også skal lagast dokumentarfilm frå.

Kjelde[rediger]

Kart[rediger]