Ose landingsplass

Ose landingsplass var ei lita flystripe som var i bruk på Osefita på Ose i Bygland 1988-1994.

Initiativtakarar var Øystein Løvland frå Høvåg, saman med Sigurd O. Langeid, Georg G. Lidtveit, Tarjei O. Austad og Olav K. Hovet frå Hylestad. Grunnen leigde dei av Gunnar D. Ose. I 1987 starta dei å jamne til flystripa, og fekk til ei ca. 525 meter lang grasstripe. 21. juli 1988 tok det første flyet av frå rullebanen. Sigurd Langeid sat ved spakane.

Det var stor aktivitet på staden i nokre år frametter. Både norske og utanlandske fly letta og landa. Det blei også arrangert fleire flystemne. Men da rullebanen på Åraksøyne i Valle kom, blei flystripa på Ose danka ut. Det siste flyet tok av frå Ose landingsplass hausten 1994.

Kjelder

• Reidar Vollen, Bygland gard og ætt, bind III, utgjeve av Bygland kommune, 2005, side 462