Liv Frøysnes

Fra Setesdalswiki
Share/Save/Bookmark
Hopp til: navigasjon, søk
Liv Frøysnes
Født: 19. oktober 1919
Død: 26. oktober 2006 (87 år)

Liv Frøysnes (fødd Austenå 19. oktober 1919, død 26. oktober 2006) budde på StorrvollenFrøysnes. Ho etterlet seg barna Ingebjørg og Torbjørn, barnebarn, oldebarn og annan familie. Ho vart gravlagd frå Sandnes kapell fredag 3. november 2006 klokka 12. Etter gravferda var det minnesamver på Vonheim bedehus.

Ho var frå garden Austenå i Tovdal. Som 16-åring reiste ho til Flekkefjord for å ta realskuleeksamen, noko ho greidde på eitt år. Litt seinare tok ho Fjellhaug bibelskole i Oslo. Etterpå gjekk ho på husmorskulen på Møglestu i Lillesand. Så hadde ho huspostar, fyrst på Mjåvatn i Froland, seinare hos familien Skjevrak på Longerak. Deretter kom ho til fru Lund på Byglandsfjord og til disponenten på Dampsaga. Sidan arbeidde ho på Breidablikk hotell på Byglandsfjord. Der møtte ho Olav Torbjørnson Frøysnes, som arbeidde i Setesdal Bilruter. 25 år gamal kom ho til Frøysnes. Der fekk ho ansvar for fjos og gardsarbeid. Ho fann seg vel til rette på Frøysnes og var aktiv misjonskvinne. Ho heldt kvinneforening og samla inn pengar til misjonen. Ho tok imot predikantar og gav dei mat og husrom. Ho engasjerte seg og i sosialt og kommunalt arbeid og var medlem av Bygland kommunestyre frå 1975 til 1979. Ho var og med i Bygland sokneråd i mange år og var leiar ein periode.

Kjelder[rediger]