Løylandsloftet
Løylandsloftet er eit loft (bur) på gardsbruket Nedre Lande i Grendi. Loftet stod opphaveleg på eit bruk på Løyland i Valle, men blei flytta ned til Nedre Lande i 1934 av kulturberaren Jon Løyland. Han hadde kjøpt garden i 1930. I Norges Bebyggelse er byggeåret til Løylandsloftet sagt å vere 1604.
Jon Løyland samla på gamle ting, og bygde opp sitt eige museum i Løylandsloftet. Han var og ein stor kulturformidlar. Med loftet hadde han sikra seg deg formidlingsarenaen han ønskte seg. Det kom skuleklassar på besøk. Seinare kom Lande med i NAF-boka. Endå fleire kom for å høyre på det Jon hadde å fortelje, og kanskje kikke innom samlingane i loftet.
I 1998 blei samlinga til Jon Løyland overført til Setesdalsmuseet, i form av ei stifting, og utstillinga hans vart rekonstruert der.
Kjelder
- Leonhard Jansen, Eit møte med sogemannen Jon Løyland (1887-1975), artikkel i Agder Historielag sitt Årsskrift nr. 84, 2008, side 7-26
- Alfred Ryningen, Valle kommune VI Gards- og ættesoge Valle, utgjeve av Valle kommune, 1987, side 133
- Norges Bebyggelse, herredsbindet for Aust-Agder, vestre del, AS Faglitteratur, 1956, side 115