Jon Hornnes
| Jon Hornnes | ||
|---|---|---|
| ||
| Født: | 23. november 1904 | |
| Død: | 19. juni 1944 (39 år) | |
Jon Mortenson Hornnes (fødd 23. november 1904 i Hornnes, død 19. juni 1944 i Natzweiler fangeleir i Frankrike) var sagbrukseigar og motstandsmann under andre verdskrigen. Han var lagførar for eit lag i Milorg i Hornnes.
Sagbruk
Jon Hornnes dreiv i nokre år, fram til han vart arrestert av tyskerane 10. februar 1943, sagbruket i Hornnesvika (Doktormonen) som faren hadde sett opp i 1907–1908.
Natzweiler
Etter arrestasjonen i februar 1943 sat Jon fengsla i Kristiansand, på Grini og i Møllergata 19 i Oslo. Han blei 26. september 1943 sendt avgarde til Natzweiler. Der døydde han i juni 1944. Namnet hans er hoggen inn i minnesteinen som er reist ved Hornnes kyrkje til minne om dei honndølane som mista livet sitt i fridomskampen 1940–1945.
Familie
Jon var gift med Sofie Hornnes (fødd 1906, jentenamn Abusland). Foreldra var Morten N. Hornnes, fødd 1866, og Gjertrud J. Hornnes (fødd 1867) på gardsbruket Der ute. Dei fekk dottera Gjertrud Finnvold i 1938. Jon Hornnes hadde desse søskena:
- Amtskoleelev Aasa Mortensdotter fødd 16.04.1894 i Hornnes,
- Astrid Elise Mortensdotter fødd 08.04.1896 på Hornnes
- Eli Mortensdotter fødd 13.06.1898 på Hornnes
- Notto Mortenson fødd 21.05.1900 på Hornnes
- Kari Mortensdotter fødd 29.09.1902 på Hornnes
- Aasmund Mortenson fødd 18.04.1907 på Hornnes
- Trygve Hornnes fødd 27.05.1911 på Hornnes
Galleri
Jon Horrnes sin tropp
Dødsattesten
Kjelder
- Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969
- Frigjeringsavisa 1995, utgjeve av Evje og Hornnes kommune og Infanteriets øvingsavdeling nr. II til Frigjeringsjubiléet 1995 i Evje og Hornnes, side 14
- Post Facebookgruppa til Setesdal Sogelag 19. juni 2020 av Ole O. Berge
- Johan Christian Frøstrup og Bjørn Davidsen, Aust-Agder under okkupasjonen. Glimt fra krigsårene 1940-1945, Friluftsforlaget, 2. utgåve, 2018, side 295