Austad idrottslag

Fra Setesdalswiki
Share/Save/Bookmark
Hopp til: navigasjon, søk

Austad idrottslag var eit idrettslag på Austad i Bygland. Laget vart skipa 15. oktober 1920 av Tryggve Scheie. Han var også formann første året. Seinare var det særleg han og Aslak K. Austad som tok dei tyngste taka i drifta av laget, skriv Reidar Vollen i Bygland Gard og Ætt.

Laget dreiv med ski og fotball, og noko friidrett. Skisporten var hovudgreina. Banen låg sør for kyrkjegarden. Laget hadde og ein hoppbakke på Heistad, der kraftstasjonen ligg. Seinare blei FossåkallenOse arenaen for skihopp.

Skimiljøet var mest aktivt på 1930-talet. Perioden frå 1935 til krigen kom i 1940 var ein svært aktiv periode. Mellom utøvarane som utmerka seg mest i denne perioden var Sigurd G. Heistad, Hallvard O. Slettevollen og Tarjei O. Heggtveit. Ut i 1950-åra blei det mindre og mindre aktivitet i laget, og det blei etterkvart lagt ned.

Kjelder[rediger]