26. november 1942
Hopp til navigering
Hopp til søk
26. november 1942 var ein torsdag.
Hendingar
- Flyslepp ved Gjuvvatna i Bykle (operasjon TRUSH). Linge-fenrik og våpeninstruktør Birger Fjeldstad og Linge-sersjant og telegrafist Norman Gabrielsen og nokre kontainarar med utstyr. Gabrielsen landa stygt på isen, og slo seg kraftig. Kontainarane med utstyr var ikkje å finne. Dei to Linge-karane måtte overnatte i fjellheimen. Det var 20 minusgrader. Neste dag leitte dei vidare etter kontainarane, men fann dei ikkje. Natta kom og dei måtte igjen overnatte ute. Då dagen kom, fekk dei kontakt med Salmund Gjeiskelid på Geiskeli. Dei kom i hus og fekk endeleg mat i seg. Fjeldstad og Gabrielsen kom rett i opprullinga av Laudalorganisasjonen, og måtte flykte til Sverige etter kort tid.
Kjelder
- Johnny Haugen, Flyslipp-operasjoner på Agder 1940–1945, artikkel i Agder Historielag sitt Årsskrift nr. 82, 2006, side 199–231
- Kristen Taraldsen, Frihetens flamme – major Laudal og hans menn, utgjeve av Fædrelandsvennen, 1994, side 284–285 og 366–377
- Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 549