Øvre slamdam
.JPG)
.JPG)
Øvre slamdam er eit deponi for slam frå flotasjonsanlegget ved Flåt nikkelgruve i Flatebygd i Evje. Dammen blei bygd i 1930. Han vart bygd av nevestor stein som var plukka ut som gråfjell av jentene på Reima oppe i gruva. På innsida av støttemuren blei det lagt opp eit tjukt lag med rosentorv, som dei skar ut i myra inne i dammen. Dammen er på det meste ca. 20 meter høg.
Dammen skal ha brista fleire gonger. Gruveslam rant då nedover skogen til Flåtåna og vidare via Oddeåna til Otra. Det hende at Otra blei farga brun heilt ut til Hægeland når dette skjedde.
Det synte seg snart at Øvre slamdam blei for liten til å halde inne alt slammet frå flotasjonsanlegget. Då bygde eigaren av gruva, Raffineringsverket AS, Nedre slamdam litt lågare nede i terrenget. I dei to dammane skal det i løpet av tida dei var i bruk ha blitt deponert tilsaman 2 millionar tonn forureina slam. Det er funne heile 49 ulike grunnstoff i avlaupsvatnet frå Øvre slamdam.
Ei tid under 2. verdskrigen freista gruveeigaren å utnytte slammet i Øvre slamdam til gjødselproduksjon. Flatebygd skianlegg blei seinare bygd på Øvre slamdam. Ein del av området er også tatt i bruk til grasproduksjon.
Kjelder
- Sigmund Monen, Flåt nikkelgruver og bygda. Arbeidarhistorie, utgjeve av Evje og Hornnes kommune, 2016, side 457–465