Setesdalsfolk – folkemusikk og dans i Setesdal
.jpg)
Setesdalsfolk – folkemusikk og dans i Setesdal er eit 3-årig prosjekt med siktemål å ta vare på og formidle vidare den unike arven knytta til spel, song og dans i Setesdal. Bakgrunnen for prosjektet er at setesdalstradisjonen med spel (hardingfele og munnharpe), song (stev og stevjing) og dans (setesdalsgangar) er tatt inn på UNESCO si representative liste over verdas immaterielle kulturarv. Agder fylkeskommune finansierer prosjektet. Annbjørg Lien er tilsett som prosjektleiar. Deltakarkommunar er Bykle, Valle og Bygland.
Formål og overordna mål
Formål og overordna mål for Setesdalsfolk sitt arbeid i eit UNESCO-perspektiv, vil vere å verne om folkemusikk og -dans brukt i Setesdal, som i første omgang omhandlar rekrutteringsarbeid, dvs. å få fleire born til å utøve UNESCO-elementa (hardingfele, munnharpe, stev, stevjing og dans). Gjennom godt samarbeid med sentrale aktørar kan dette vidare styrke lokal identitet, eigenkraftmobilisering og berekraft i øvre Setesdal.
Kjelder
- Kristin Tofte Andresen og Anne Tone Hageland, Arbeidet med å videreformidle Setesdals kulturarv, lesarbrev i Setesdølen nr. 26, 2021, side 9
- Annbjørg Lien, Prosjektbeskrivelse Setesdalsfolk pr. mars 2022, i saksframstillinga til styremøte i Setesdal Regionråd 27. april 2022