Fånefjellstunnelen
Fånefjellstunnelen er ein tunnel på riksveg 9 i Bygland kommune. Tunnelen ligg mellom Lauvdal og Longerak og går gjennom Fånefjellet, som her stikk ut i Byglandsfjorden. Den vart bygd i 1962 og er 611 meter lang. Før tunnelen vart bygd, gjekk vegen i ein halvtunnel frå 1923 som gjekk rundt neset. Denne kan ein framleis sjå, men på grunn av faren for steinsprang, kan han ikkje nyttast.
Kraftutbygginga
Det var utbygginga av Otra som var grunnen til at tunnelen måtte byggjast. Dei store elementa som skulle nyttast i kraftstasjonane til I/S Øvre Otra kunne ikkje fraktast i den tronge halvtunnelen som gjekk rundt fjellet.
Ulykker i Fånefjellstunnelen
- 24. juni 2008 vart ein syklist påkøyrd bakfrå inne i tunnelen og frakta til Sørlandet sykehus i Kristiansand[1]