Brattebakk

Brattebakk var ein husmannsplass under garden Bjørnestøl, rundt 1 km nord for Matkrona, i Bjørndalen i Hornnes. Det var truleg Gunleiv Larsson Butveit Bjørnestøl (f. 1828, d. 1892) og kona Marthe Ånonsdotter Bruskeland (d. 1930) som rydda plassen. Dei budde her fleire år som husmannsfolk, men flytta opp til bnr. 1 i Bjørnestøl og budde der dei siste åra. Dei hadde mange born, og det var mange gonger smått for dei, er det sagt i gards- og ættesoga for Hornnes.

Kjelder

• Olav O. Uleberg, Hornnes I, Gards- og ættesoge, 1969, side 689–690 og side 696–697
• Alf Georg Kjetså, Hornnes mi heimbygd - 2 (bok), utgjeve av Evje og Hornnes Sogelag, 2019, side 153