Storofsen

Storofsen er det namnet ettertida har gitt den store flaumen i Otra sist på 1700-talet, kanskje den verste flaumen som nokon gong har vore i Setesdal. I nokre kjelder (Monen) er det sagt at Storofsen i Setesdal var i 1793. Men den største kjende flaumen i Norge, som er kalla Storofsen i ettertida, var i 1789. Den flaumen var hardast på Austlandet, men forplanta seg også heilt til Sørlandet og Otravassdraget.

Otra gjorde uboteleg skade ned gjennom vassdraget. Skadene var så store at bøndene i dei mest flaumskadde områda, mellom anna Hegland, Frøysnes og Skomedal, fekk skattefritak i fleire årtider etterpå. Det skal vere under denne flommen at Osefita blei forma, av lausmassar som kom ovanfrå.

Kjelder

• Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 46
• Artikkelen om Storofsen på Wikipedia (bokmål), besøkt 28. august 2023