Kosvatn
Foto: Geir Daasvatn
Kosvatn er eit vatn på heia vest for Abusland i Hornnes i Evje og Hornnes kommune. 1,3 km² stort, 291 moh. Kosvatn høyrer til Kosåna-vassdraget. I nord heng Kosvatn saman med Bjørndalsvatnet. Ved utlaupet i sør ligg Hattefossen.
Historie
Det er funne minst seks steinalderlokalitetar/buplassar ved Kosvatn, og endå fleire langs Kosånavassdraget både sør og nord for Kosvatn. Funna strekar under at det må ha vore eit folkeliv å tale om i dette området alt for 4-5000 år sidan.
Kjelder
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 31