Auver Stavenes

Auver Stavenes (fødd 1. april 1889 i Bykle, død 1960) var kjøpmann på Flateland i Oveinang i Valle og underoffiser. Han var gift med Gyro P. Stavenes. Ho var dotter til seinare ordførar i Valle, Dreng Brokka.

Familien flytta litt rundt, men slo seg ned som landhandlarar på Flateland i 1929.

Krigsinnsats

Under andre verdskrigen kom Auver med i både Milorg og XU. Butikken på Flateland blei ein sentral innsamlingsstad for informasjon om det som gjekk føre seg i Setesdal. 20. januar 1943 blei Auver arrestert av tyskerane, og frakta til Kristiansand. 15. februar 1943 blei han overført til Grini fangeleir. Her sat han til freden kom.