Hylesdalen
Foto: Geir Daasvatn
Hylesdalen er eit lite dalføre som går mest parallelt med Setesdal, vest for Otra, mellom Uppstad i Hylestad og Berg i Valle. På vestsida av Hylesdalen ligg Riskefjell. Fjellet mellom Hylesdalen og Flåni heiter Melfjødd. I nord, frå Berg, går Hylesdalsvegen inn i dalen. Frå sør, frå Uppstad, går Dalsstøylvegen innover i dalføret. Begge vegane er bomvegar, der du kan betale nokre få kroner og køyre på vegane. Men dei to vegane står ikkje i samband med kvarandre. Det er såleis ikkje køyreveg gjennom heile Hylesdalen.