Evje kyrkje

Evje kyrkje

Evje kyrkje er ei langkyrkje i tre som ligg aust for riksveg 9, ved Fylkesveg 306 opp til Flatebygd, litt nord for Evje sentrum. Ho vart bygd av Ludvik Karlsen i 1890-91 og vigsla 16. desember 1891, har plass til 450 personar og galleri. Døypefont og preikestol er og bygd i 1891 og er i tre. Altertavla frå 1891 er ein kopi av Adolph Tidemands «Oppstandelsen» frå Bragernes kirke i Drammen frå 1871. Orgelet er frå 1961. I 1985 fekk kyrkja nye messehaglar frå Kirkelig Kulturverksted.

I nedslagsfeltet til kyrkja bur det om lag 1800 menneske. I 1992 var det 35 gudstenester med eit snitt på 40 deltakarar. Elles var det konsertar og andre arrangement i kyrkja, til saman 90 arrangement.

Utanfor kyrkje står Minnesteinen ved Evje kyrkje og Evje kyrkjegard ligg rundt kyrkja.

Kjelde

• Alf Henry Rasmussen: Våre kirker - Norsk kirkeleksikon. Vanebo forlag 1993 ISBN 82-7527-022-7

Eksterne lenker

• Evje kyrkje hos kirkenorge.no
• Bilete av Evje kyrkje
• Geir Daasvatn sine bilete av Evje kyrkje