Jortveit
Jortveit (gnr. 7) er ein gard nederst i Dåsvannsdalen i Hornnes i Evje og Hornnes kommune. Nabogard nordover i Dåsvannsdalen er Kallhovd. Sørover gjekk Jortveit ned til Dåsnes, der Dåsåna renn ut i Otra. Men mykje av areala i Dåsnes og Dåsnesmoen er seinare skild ut frå garden. Ein reknar med at Jortveit i si tid har vorte skild ut frå garden Fennefoss, eller Kallhovd.
Det er funne mange gravhaugar i Jortveit-garden.
Det gamle Hornnes hjelpefengsel vart bygd på grunn som tilhøyrde Jortveit-garden. Hornnes landsgymnas blei og bygd på Jortveit-grunn. Det same gjeld Hornnes barneskule.
Kjelde
- Olav O. Uleberg, Hornnes I, Gards- og ættesoge, utgjeven av Hornnes bygdesogenemd, 1969, s. 169 flg.