Evje Nikkelverk IS

Evje Nikkelverk AS, aksjeselskap skipa i 1872 av infanterikaptein (seinare oberst) Ferdinand Henriksen, systera Thora Roscher og H. A. Thaulow. Aksjekapitalen var på 120.000 kroner, fordelt på 300 aksjer kvar pålydande 400 kroner. I 1874 kjøpte Henriksen ut Roscher. I 1894 døydde Thaulow. Henriksen kjøpte også aksjane hans, og vart eineeigar av selskapet.

Evje Nikkelverk AS var selskapet som i 1872 starta opp gruvedrifta etter nikkel i Flåt gruve i Mykleåsen i Flatebygd i dåverande Evje kommune. Året etter, i 1873, fekk selskapet løyve til bygging av smeltehytte i Evje sokn. Smeltehytta blei bygd og sett i drift same året i Fossvik på austsida av Fennefossen. Denne vart Evje nikkelverk.

Kjelder

• Olav Arne Kleveland, Flot nikkelgruve - Evje nikkelverk, hefte utgjeven av Evje og Hornnes sogelag, 2000, s. 5