Homsåne
Foto: Geir Daasvatn
Homsåne (Kvinnåne) er ei elv i Homme i Valle. Ho kjem frå Stavvatnet høgt oppe på heia aust for busetnaden og renn ut i Otra frå aust. Elva er bygd ut med Hommsåne kraftverk. Det kommunale vassverket har inntak eit stykke oppe i lia.
«Industrieventyr»
Elva hadde 16 kvernhus, 3 sagbruk og vadmålstampar oppetter elva. Ho var «årmylt», som betydde at der kunne ein male korn heile året. Innretningane vart drivne av gardsbruk i Homme og Tveitebø. Nokre sette også opp aggregat i kvernhusa og skaffa seg elektrisk straum lenge før Valle fekk straum i 1947.
Kjelder
- Faktaark hos Statens Kartverk om skrivemåten
- Vidar Toreid: Sogevandring i Valle. Artikkel i Setesdølen nr. 48, 2019 side 2
- Alfred Ryningen, Valle kommune V Gards- og ættesoge Valle, utgjeve av Valle kommune, 1987, side 302