Ulvetuva

Ulvetuva er ein sang av Trym Bjønnes, som har laga både tekst og melodi. Med sangen deltok gruppa Fjellfolk i Melodi Grand Prix 2013. Sangen tek utgangspunkt i sagnet som er knytt til Ulvetuva i Bykle. I korte trekk fortel sagnet om ei gravid kvinne som måtte få barnet langt inne på fjellet. Paret var på veg frå Suldal til Bykle og mannen hennar drog etter hjelp. Medan han var borte vart kvinna tatt av ulvar på staden som sidan fekk namnet Ulvetuva.

Teksten til sangen

Det var ein gong i gamal tid, to unge over høgfjell fór

Dei freista inn i framtid sjå, for jenta gjekk og venta små

Men sist på heimveg gjekk det troll i ord

Å hent du hjelp, no kallar moder jord

Far no svint som ein vind

Og løyn meg lengst inni hjarta ditt inn

Når stormane rasar så ventar eg på

At du igjen skal kvile i min famn

Ho låg åleine langt a'lei, gav liv til små på ville hei

Han jaga ned dei bratte skar og kom ved midnatt fram til gard

Men mor og barn fekk aldri ny dag sjå

for ut av myrkret steig det ulvar grå

Far no svint som ein vind

Og løyn meg lengst inni hjarta ditt inn

Når stormane rasar så ventar eg på

At du igjen skal kvile få

Far no svint som ein vind

Og løyn meg lengst inni hjarta ditt inn

Når stormane rasar så ventar eg på

At du igjen skal kvile i min famn

Kjelde

Ole Birger Lien: Fjellfolk syng om gamal Bykle-segn i Melodi Grand Prix. Artikkel i Setesdølen nr. 7, 2013 side 3

Eksterne lenker

Dette er Ulvetuva som Fjellfolk synger om Artikkel av Ingmar Brokka Rike i Agderposten 27. januar 2013