Peder Lind

Peder Lind var kjøpmann i Kristiansand. Han var den første til å sette i gang med gruvedrift av eit visst omfang i Straumsgruvene i Straumsheia i Hylestad i tida 1660–1680. Lind fekk bygd to store stemmar i Straums-Mjåvatn for å leie vatnet ned til garden på Straume nede i dalen. Der sette han opp smelteomn og fleire hus. Vasskrafta nytta han til å drive ulike tekniske innretningar.

«Utan tvil må han ha hatt kongen i ryggen, for innteninga var utvilsamt elendig», skriv Sigmund Monen i storverket sitt om gamle gruvetradisjonar i Setesdal.

Kjelder

• Sigmund Monen, Frå gamle gruvetradisjonar i Setesdal til arbeidarkultur i Evje, utgitt av Evje og Hornnes kommune, 2016, side 43–45