Heisvatn
Heisvatn er eit vatn i Setesdal Austhei (434 moh.) på Heistad nord-aust i Bygland. Vatnet tilhøyrer Otravassdraget, og er regulert med overføring av vatnet til Hovatn kraftverk. Ut av vatnet og nedover dalsida til Otra renn Heisåni.
Heisvatn var kjend som eit godt fiskevatn. Utover på 1980-talet minka fiskebestanden i Heisvassdraget, og det vart sett i gong kalking av vassdraget. Fiskebestanden tok seg opp att. I dag skal det igjen vere godt fiske i Heisvatn.
Kjelder
- Arne Vethe, Prøvefiske i Fiskeløyse og Heisvatn 2011 - Fiskebiologiske undersøkingar i Otravassdraget - Rapport 10/2012, på oppdrag for Agder Energi Produksjon, side 4-7