Nordåni (Skreland)
Foto: Geir Daasvatn
Nordåni (Skreland) er ei elv i området rundt Skreland og Jordalsbø i Bygland kommune. Elva renn ut av Asbjørnstøylvatn på heia nord-aust for Skreland, sørover lia aust for Skreland og vidare nedover i terrenget på vestsida av busetnaden i Jordalsbø, før ho renn ut i den større Søråni om lag 1,5 km aust for Bygland sentrum. Dei to elvene renn saman det siste stykket ned til Byglandsfjorden, og kallast då Kvålsåna.
Fallet i Nordåni nyttast til kraftproduksjon i Nordåni småkraftverk på Jordalsbø. Kraftverket har ikkje eige magasin, men nyttar vatnet i elva.
Kjelder
- Nordåni småkraftverk med vidare henvisningar