Signe Hovet

Signe Hovet
Født:	6. februar 1916
Død:	28. mai 2017 (101 år)

Signe Olsdotter Hovet (fødd 6. februar 1916 på Hovet i Hylestad, død 28. mai 2017 i Valle) var dotter til Olav Hansson Hovet (1866–1932) og Gyrid Jonsdotter Bjørgum (1872–1968). Ho vart døypt av prest Tønnesen i Hylestad kyrkje 12. mars 1916, og konfirmert av prest Brun 19. april 1931 same staden.

Ho var yngst i ein syskenflokk på 11, der eldstemann Hans (1896–1896) døde som barn. Signe Hovet var ikkje gift, og budde på Hovet i Valle med sine sysken Hans Hovet, Anne Hovet og Targjerd Hovet. Ho budde på Valle Bygdeheim den siste tida. Ho har hatt mykje av arbeidslivet sitt i helse- og omsorgssektoren og arbeidde mellom anna som sjukepleiar både i USA og i Noreg. 6. februar 2016 vart 100-årsdagen hennar markert då Steinar Kyrvestad, ordførar i Valle kommune, troppa opp med telegram frå Kongen.

Gravferda var frå Hylestad kyrkje fredag 9. juni 2017 klokka 13. Ho etterlet seg nieser og nevøar og annan familie.

Sysken

• Hans Hovet (1896-1896),
• Gyro Løyland (1896-1990),
• Gunvor Sonoda (1898-1996),
• Anne Hovet (1900-1998),
• Gro Afzelius (1902-1986),
• Hans Hovet (1905-1998),
• Ingebjørg Brokke (1907-2001),
• Targjerd Hovet (1909-2003),
• Birgit Byklum (1912-2009) og
• Sigrid Glåmseter (1914-1992).

Kjelder

• Aust-Agder fylke, Hylestad i Valle, Klokkerbok nr. B 2 (1875-1921), Fødte og døpte 1914-1916, side 83, nr. 2.
• Aust-Agder fylke, Hylestad i Valle, Klokkerbok nr. B 3 (1921-1948), Konfirmerte 1931, side 82, nr. 1.
• Ole Birger Lien: Signe runda 100 og fekk telegram frå Kongen. Artikkel i Setesdølen nr. 12, 2016 side 7
• Dødsannonse i Fædrelandsvennen lørdag 3. juni 2017 side 57
• Dødsannonse i Setesdølen torsdag 8. juni 2017 side 2
• «Signe Hovet»