Kjebekk (Evje og Hornnes gnr. 45)

Kjebekk 3. april 2020.

Foto: Geir Daasvatn

Kjebekk er ein gard (gnr. 45) på heia ca 3,5 kilometer aust for Evje sentrum i Evje og Hornnes. Ein kjem dit ved å følge Arendalsvegen forbi Galteland, og straks deretter ta mot sør mot Åmland. Nabogard til Kjebekk i nord-aust er Åmland. I sør-vest ligg Høgetveit. Mot sør-aust grensar garden mot Kleggetveit.

Garden har namnet sitt etter Kjebekken som renn forbi vest for husa.

Saman med nabogardane Kleggetveit og Skjeggestad ligg Kjebekk innafor honnstavane til Åmland, og dei låg øyde under denne garden etter Svartedauden.

Kjelder

• Oddmund Mogstad, Gardsnamn i Evje, artikkel i Arnstein 2008, side 34