Dåsåna

Dåsåna der ho renn ut i Otra

Foto: Geir Daasvatn

Dåsåna er ei sideelv til Otra. Ho renn ut frå vest i Otra ved Dåsnes i Evje og Hornnes kommune. Elva kjem frå Dåsvatn i Dåsvannsdalen. Ved Samkom mellom Uleberg og Støylen sluttar sideelva Skjerka seg til Dåsåna.

I følge Oddmund Mogstad har elvenamnet langt tilbake i tid truleg hatt forma Dåsa. Mange elver som ligg nær kvarandre har parallelle namn. Eit døme frå Åseral er Logn (den rolege) og Mån (den ville). Skjerka, som fell ned i Dåsåna, er eit vanleg elvenamn på Agder. Det har kanskje med den "skrattande" eller "urolege" elva å gjere (skark = ståk, uro). Dåsåna er då den "rolege". Mogstad spør seg difor om namnet (Dåsa) kan ha samanheng med det franske ordet douse.

I perioden 2011 til 2015 er det løyvt 1,5 mill årleg i statlege midlar til kalking av Dåsåna, og det må investerast for 3,5 mill til kalkingsanlegg i elva. Dåsåna var den einaste elva i Aust-Agder som fekk statlege kalkingsmidlar for denne perioden.

Kart

Laster kart ...

Kjelder

• Kalkingspengar til Dåsåna Notis i Setesdølen nr. 56, 2010 side 2
• Oddmund Mogstad, Gardsnamn i Hornnes, artikkel i Arnstein, årsskrift for Evje og Hornnes Sogelag, 2006, s. 32
• Oddmund Mogstad, Vassdragsnamn i Evje og Hornnes, artikkel i Arnstein, årsskrift for Evje og Hornnes Sogelag, 2009, s. 32

Eksterne lenker

Bilete av Dåsåna på Flickr