Likferdsodden

Gravrøysa på Likferdsodden.

Foto: Geir Daasvatn

Likferdsodden stikk ut i Byglandsfjorden rett sør for Rakkeneset, mellom Grendi og Longerak i Bygland. Området rundt odden er bygd ut med fritidsbustader.

Fornminne

På odden ligg det ei gravrøys, ei såkalla åsrøys. Ho har tverrmål ca. 7 meter og høgde ca. 75 cm. Røysa er lett å sjå frå vatnet, og det er vid utsikt frå røysa utover fjorden. Rundt røysa ligg det fleire mindre steinpakningar, som kan vere sjølvstendige graver. Røysa er ikkje nærare undersøkt, og alderen er ikkje sikkert fastslege. Men på Nånesodden på andre sida av fjorden er ei anna gravrøys av denne typen sikkert tidfesta til yngre bronsealder.

Sjå også

• Gravrøyser ved Byglandsfjorden

Kjelder

• Kommunekart.com
• Frans-Arne Hedlund Stylegard, Gravrøyser ved Byglandsfjorden, artikkel på bloggen hans, dagsett 24. januar2005
• Jan Henning Larsen, Gravene og bosetningen, artikkel i Spor i Setesdalsjord, utgjeve av Aust-Agder fylkeskommune og Setesdalsmuseet, 2014, side 59-60
• Om funnet på Nånesodden i hos austagderfk.no

Eksterne lenker

• Om gravrøysa på Likferdsodden på Kulturminnesøk.no

Kart

Laster kart ...