Theis Salvesen

Fra Setesdalswiki
Share/Save/Bookmark
Hopp til: navigasjon, søk
Theis Salvesen
Theis Salvesen.jpg
Født: 26. september 1955
Død: 10. oktober 2017 (62 år)

Theis Salvesen (født 26. september 1955 i Farsund, død 10. oktober 2017[1]) var sokneprest i Valle prestegjeld, som omfattar kommunane Valle og Bykle frå 1989 til 2007, då han flytta til Tveit i Kristiansand. Han kom til Valle frå Ibestad i Sør-Troms. Theis var gift med Marit Salvesen. Dei hadde fire barn saman.

Mens han budde i Valle, var han 12 år i Valle kommunestyre for Arbeidarpartiet. I denne perioden var han leiar av kulturstyret i fire år, helse- og sosialstyret i åtte år og styreleiar for Setesdalsmuseet i ni år. Han var og leiar av Kristne Arbeidere, Sørlandet krets. Han var og aktiv i Valle Radio som programleiar og nestleiar i styret. Då styreleiar Hallvard Kjelleberg gjekk bort, overtok han som styreleiar og hadde vervet til han flytta frå bygda.

I Tveit engasjerte han seg ikkje så sterkt i politikken, men kom på 44.-plass på Ap-lista for Kristiansand til valet i 2011, og han er leiar i Tveit hagelag. Han engasjerte seg og som talsmann for å få fleirbrukshall i Tveit, men har ikkje tenkt å bruke den sjølv.[2] Frå 44. plass vart han vald inn i bystyret for perioden 2011-2014 på grunn av mange personstemmer og slengjarar.

Referansar[rediger]

  1. Sigurd Haugsgjerd, Theis er død, minneord i Setesdølen nr. 70, 2017, side 3
  2. Lars Hollerud: Vil ikke svette i hallen. Artikkel i Fædrelandsvennen Innsikt 16. april 2011 side 44.

Eksterne lenker[rediger]