Sigurd Brokke

Fra Setesdalswiki
Share/Save/Bookmark
Hopp til: navigasjon, søk
Sigurd BrokkeSymbol confirmed.svg
Sigurd Brokke. Foto Leonhard Jansen (11).JPG
Født: 16. mai 1971 (47 år)

Sigurd Brokke (fødd 16. mai 1971) frå Valle er mest kjend som munnharpespelar. Han vann landskappleiken i klassen for munnharpe i 2003 og 2004. Sigurd Brokke har òg vore aktiv på mindre stemner, og i perioden 2001 til 2007 vann han eit tjuetals kappleikar i Agder og Telemark. I 2003 fikk han Aust-Agder fylkes kulturstipend. I «Music Without Borders», eit treårig prosjekt på Universitetet i Agder som starta i 2014, er Sigurd Brokke ei av dei fire hovudkjeldene til setesdalsmusikken.

Han har gitt ut to plater, begge på Etnisk musikklubb, saman med Daniel Sandén-Warg, som spelar hardingfele. I 2012 kom plata Munnharpe og Daniel Sandén-Warg er her med som gjesteartist. Munnharpe II kom tre år seinare, og i denne produksjonen er Sigurd Brokke einaste utøvar.

Sigurd Brokke var leiar i Setesdal Spelemannslag frå 2001 til 2007.

I tillegg er Sigurd Brokke aktiv i Valle mållag, der han har vore med i styret og der han og sidan oppstarten i 2002 har vore engasjert i dugnadsarbeidet med nettsida vallemal.no. Han er ein aktiv talsmann for setesdalsdialekten, og var med i TV-programmet Norsk attraksjon i 2007 då Linda Eide i NRK duellerte med Sigurd Brokke om å forstå dialektord og måtte ta ein dukkert i Otra då ho tapte. Sigurd Brokke har også deltatt i NRK-produksjonane Folklab (2013) og Dialektriket (2013).

I det daglege er han vaktmeister i Valle kommune, der han vart tilsett i 1997. Sigurd Brokke har utdanning innan elektro og fagbrev som energitekniker på kraftstasjon. I 2006/2007 hadde han eitt års vikariat som dagleg leiar ved Agder Folkemusikkarkiv.

Sigurd bur på Brokke i Hylestad. Mor hans er Liv Helga Brokke (f. 1950), søster til spelemannen Hallvard T. Bjørgum. Faren er Tarald S. Brokke (f. 1946).

Diskografi[rediger]

  • Munnharpe II 2015
  • Munnharpe 2012. Nominert til Folkelarmprisen i klassen «solo»
  • Rammeslag II 2009 Vinnar av Folkelarmprisen i klassen «solo». Nominert til Spellemannsprisen i klassen «folkemusikk/gammaldans»
  • Rammeslag 2007 Vinnar av Folkelarmprisen i klassen «solo»
Medverkar på
  • Fille-Vern - gamle og nye mestre i norsk munnharpetradisjon 2007 (Ta:lik)
  • 4th. International Jew's Harp Festival 2005 (Heilo)

Eksterne lenker[rediger]